الشوربه هذي بدون دسم وبدون تكشين ولا لحم ولا دجاج يعني للرشاقه بالخضار والشوفان فقط وسريعه بالمره يعني بالكثير نص ساعه وجاهزه
ونبدا بالطريقه المصوره اول شي قطعي الخضار اللي ترغبين في القدر ومعها البهارات والملح والماجي ومعجون الطماطم
صبي عليهم مويه مغليه واطبخيه لمدة ربع ساعه او لين تستوي الخضار بهالشكل
معليش الصوره مو واضحه مره من البخار المهم بعد كذا رشي عليها الشوفان { الكويكر } كميه بسيطه وحركي لين توصل للثقل اللي تبينه فيه احد يحبها ثقيله يكثر شوفان اما اللي يحبها خفيفه يقلل انا احبها وسط احط مقدار ثلاث ملاعق كبيره للكميه هذي وحركيها لين تتجانس وقصري لها عشر دقايق وبالعافيه وهذا الشكل النهائي
واذا تبونها بلحم او دجاج لابد من التكشين يعني كشني البصل وبعده اللحم لين يتسبك ثم الخضار وتبليها وصبي عليها مويه مغليه وخليها تطبخ وكملي نفس الطريقه
الرئيسية 
2010-01-29, 08:14
