وحدة اشترت رقم جديد تبي اتفاجئ زوجها كلمته من الحمام و غيرت صوتها قالت : الوو
قال: كلميني بعد اشوي البقرة بالحمام
--------
مره واحد بيقول لواحد صاحبه: اسكت مش انا حماتى ماتت امبارح...
قاله يا حول الله يا رب... ماتت ازاى الست دى؟
قاله وانا واقف معاها فى البلكونة وقعت من الدور الخامس...
قاله لا حول الله يا رب دى موته وحشه أوى...
قاله لأ.. ماهى ماوقعتش على الارض... قاله: أمال ماتت ازاى؟ قاله: وقعت على سلك الكهربا... قاله: يا ساتر يارب دى موته وحشه أوى.. ماتت من الكهرباء طبعا...
قاله: لأ يا عم.. ماهى الكهرباء كانت مقطوعة... قاله:امال ماتت ازاى بس؟
قاله: اصل السلك نطرها في حمام السباحة... قاله: لا اله الا الله ماتت غرقانة...
قاله: بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونة تانى... قاله: امال انت بتقول ماتت ازاى؟
قاله: ما انا لما ما لقيتش فايدة رحت خانقها بالإيشارب.
-----------------
كان فيه بير مسحور، لو حد دخل راسه فيه و رمى فلوس و أتمنى أي حاجه، أمنيته تتحقق على طول.
فيه واحدة ست سمعت عنه، فصممت تاخد جوزها على هناك مع انه مش مقتنع.
الراجل وطى الأول، و رمى القرشين صاغ وأتمنى أمنيه واحدة، و طلع راسه بسرعة، الهانم وطت هي كمان و قعدت ترص فى لستة طويلة من الأمانى، داخت فراحت واقعة فى البير! الراجل قعد يزعق زى المجنون: ده بجد، ده بجد، البتاع ده بيحقق الأماني بجد!!
----------------
واحد راكب عربيته هو ومراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية.
مراته: لا أنت كنت ماشي على الأقل على 200.
الرجل بص لمراته بحقد
. الظابط: كمان الفانوس اللي ورا مكسور.
الرجل: مكسور! والله ما شفته.
مراته: حرام عليك .. انت كنت عارف انه مكسور من كام أسبوع.
الرجل بص لمراته بحقد.
الظابط: كمان مكنتش رابط حزام الأمان.
الرجل: لأ كنت رابطه بس فكيته لما وقفت.
مراته: لا لا انت عمرك ما ربطت حزام الامان.
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كده؟
مراته: لأ لما بيكون سكران بس!
---------------------
زوج بيقول لمراتة انا بحب فيتراك اوى ...قالتلة وانا بحب محمود اوى ..قالها بس فيتراك دى مربى... قالتلة ومحمود دة عسل
--------------
واحده وحشه أوى بتقول لزوجها ياراجل مش تصلح شباك الحمام عشان وأنا بستحمه الجيران متشفنيش قالها خليهم يشفوك عشان يصلحوه على حسابهم
------------------
مرة واحد بيقول لصاحبه :
"مش النهاردة عيد جوازي ال25 "
فالتاني قاله "مبروك هتودي مراتك فين بقى؟"
قاله "هوديها الصين "فالتاني قاله"ايهههههه عيد جوازكم ال25 و هتودي مراتك الصين اومال في عيد جوازكم ال50 هتعمل ايه"
قاله"هروح اجيبها"
الرئيسية 
2009-04-12, 04:30